Fjármálatíðindi

Útgáfu Fjármálatíðinda lauk með árgangi ársins 2007, en þá hafði ritið verið gefið út frá árinu 1954.

54. árgangur 2007
53. árgangur, fyrra hefti 2006
52. árgangur, síðara hefti 2005
52. árgangur, fyrra hefti 2005	48. árgangur, síðara hefti 2001
51. árgangur, síðara hefti 2004	48. árgangur, fyrra hefti 2001
51. árgangur, fyrra hefti 2004	47. árgangur, 2000
50. árgangur, síðara hefti 2003	46. árgangur, 1999
50. árgangur, fyrra hefti 2003	45. árgangur, síðara hefti 1998
49. árgangur, síðara hefti 2002	45. árgangur, fyrra hefti 1998
49. árgangur, fyrra hefti 2002	44. árgangur, síðara hefti 1997

Afmælisráðstefna Fjármálatíðinda 2004

Markmið:

Fjármálatíðindum er ætlað að miðla niðurstöðum rannsókna á sviði efnahagsmála og vera vettvangur fyrir faglega umræðu um efnahagsmál og þá sérstaklega rannsóknir sem tengjast íslenskum efnahagsmálum. Jafnframt er ritið opið fyrir skoðanaskiptum um efnahagsleg úrlausnarefni. Ritið leitast við að vera vettvangur fyrir vandaðar fræðilegar greinar, en um leið að vera aðgengilegt fyrir alla áhugamenn um efnahagsmál sem vilja kynna sér umræður og niðurstöður rannsókna.

Ritstjóri:

DAVÍÐ ODDSSON, Seðlabanka Íslands.

Ritnefnd:

ÞÓRARINN G. PÉTURSSON, Seðlabanka Íslands (formaður); RAGNAR ÁRNASON, Háskóla Íslands; SIGURÐUR SNÆVARR, Reykjavíkurborg; TRYGGVI ÞÓR HERBERTSSON, Háskóla Íslands.

Útgefandi:

Útgefandi Fjármálatíðinda er Seðlabanki Íslands. Ritið var fyrst gefið út árið 1954, þá af Landsbanka Íslands, en frá árinu 1961 af Seðlabanka Íslands. Þær skoðanir og þau sjónarmið sem fram koma í greinum eru höfunda sjálfra og þurfa ekki að fara saman við skoðanir eða stefnu Seðlabankans.

Útgáfa:

Fjármálatíðindi eru gefin út tvisvar á ári.

Ritrýni:

Ritnefnd leggur mat á það hvort innsendar greinar eru hæfar til birtingar í Fjármálatíðindum. Hún felur síðan einum til tveimur óháðum sérfræðingum að ritrýna hverja grein. Nafnleynd ríkir milli greinarhöfunda og ritrýna. Útfrá mati ritrýna tekur ritnefnd endanlega ákvörðun um birtingu greinar. Gerðar eru þær kröfur til innsendra greina að í þeim felist áhugaverð framsetning á hagfræðilegum viðfangsefnum, séu nýtt framlag til þekkingar á hagfræðilegum vandamálum, að niðurstöður séu vel rökstuddar og að greinar séu ritaðar á vönduðu máli. Ritnefnd áskilur sér rétt til að hafna greinum sem ekki eru taldar uppfylla þessar kröfur. Greidd er þóknun fyrir birtar greinar og fer upphæð þóknunar eftir umfangi þeirra.

Frágangur greina:

Við frágang á greinum, þ.á m. myndum, línuritum og heimildalista, er vísað í leiðbeiningar á öftustu síðu heftisins og á heimasíðu Fjármálatíðinda. Einnig er hægt að taka mið af eldri greinum í Fjármálatíðindum frá og með árinu 2001. Ritnefnd áskilur sér rétt til að endursenda greinar sem ekki uppfylla kröfur um frágang.

Höfundarréttur, eftirprentun og áskriftarverð:

Höfundarréttur útgefinna greina er Seðlabanka Íslands. Áskrifendum er heimilt að ljósrita efni úr ritinu til eigin nota. Fjölföldun á efni úr ritinu, hvort sem er með ljósritun, á rafrænan máta eða á annan hátt er háð leyfi Seðlabanka Íslands.

Heimilisfang:

Seðlabanki Íslands, Kalkofnsvegi 1, 150 Reykjavík.
Sími 569 9600. Símbréf 569 9605. Áskrift sími 569 9785.
Netfang: publish@centbk.is
Veffang: .
ISSN: 0015-3346.

Leiðbeiningar fyrir höfunda:

Innsendar greinar:

Meginreglan er að greinar séu á íslensku. Þó getur ritnefnd samþykkt að birta greinar á ensku við sérstakar aðstæður. Greinar eiga að jafnaði ekki að vera lengri en 20 síður A4 með 1½ línubili og 12 punkta Times-letri. Greinar sendist fullfrágengnar í fjórum eintökum, ásamt nýjum disklingi með texta, helst í Word-skrám, en töflur og línurit helst í Excel-skrám. Með hverri grein skulu fylgja enskur titill, ágrip á íslensku og ensku (að hámarki u.þ.b. 150 orð), ásamt a.m.k. þremur lykilorðum sem lýsa efni greinar og a.m.k. einum lykli samkvæmt lyklakerfi Journal of Economic Literature (http://www.aeaweb.org/journal/elclasjn.html). Upplýsingar um nöfn höfunda og starfsvettvang með fullum upplýsingum um heimilisfang, síma og tölvupóstfang skulu fylgja á sérblaði. Í sjálfri greininni eiga ekki að koma fram nöfn höfunda.

Móttaka greina:

Seðlabanki Íslands
v/ Fjármálatíðinda
Kalkofnsvegi 1
150 Reykjavík

Frágangur greina: Við frágang á samþykktum greinum skal fylgja eftirfarandi fyrirmælum:

(1) Meginfyrirsagnir skulu vera í 14 punkta Times-letri. Undirfyrirsagnir skulu vera í 13 punkta Times-letri. Undirundirfyrirsagnir skulu vera skáletraðar í 12 punkta Times-letri. Ekki skal vera bil milli undir- og undirundirfyrirsagnar annars vegar og texta hins vegar.

(2) Neðanmálsgreinar skal nota í hófi.

(3) Nota skal stærðfræðijöfnur í hófi og langar útleiðslur skal setja í viðauka. Nota skal punkta og kommur á eftir jöfnum eins og um venjulegan texta væri að ræða.

(4) Þegar vísað er í heimildir skal vísa í fullt nafn Íslendinga, t.d. Bjarni Bragi Jónsson (1996) (eða Bjarni Bragi Jónsson, 1996) en eftirnafn útlendinga, t.d. Dornbusch (1976) (eða Dornbusch, 1976). Séu þrír eða fleiri höfundar skal aðeins vísa í nafn fyrsta höfundar, t.d. Christiano o.fl. (1999). Höfundar þurfa að tryggja að nákvæm samsvörun sé milli tilvísana í heimildir og í heimildalista.

(5) Í heimildaskrá skal raða heimildum eftir fornafni íslenskra höfunda en eftirnafni erlendra höfunda. Dæmi um frágang heimildalista (sjá einnig APA-staðalinn, http://www.bridgew.edu/depts/maxwell/apa.htm):

Bjarni Bragi Jónsson (1996). Fjármagnsuppbygging fimm áratuga lýðveldis. Fjármálatíðindi, 43, 64-89. Christiano, L., M. Eichenbaum og C. Evans (1999). Monetary policy shocks: What have we learned and to what end? Í J. B. Taylor og M. Woodford (ritstj.), Handbook of Macroeconomics, vol. I, bls. 65-148. Amsterdam: North-Holland.

Dornbusch, R., (1976). Expectations and exchange rate dynamics. Journal of Political Economy, 84, 1161-1176.

European Central Bank (2000). Asset Prices and Banking Stability. Evrópski Seðlabankinn, apríl 2000. Fengið af netinu 8. febrúar 2001: http://www.ecb.int/.

(6) Tilvísunarnúmer og -texti mynda og taflna skulu vera í 12 punkta Times-letri. Myndir skal gera þannig úr garði að þær sé auðvelt að afrita og að þær séu auðlesanlegar af tölvuskjá og í svart-hvítri útprentun.

(7) Við frágang greina geta höfundar haft Fjármálatíðindi frá og með 2001 til hliðsjónar.



Fjármálatíðindi, 50. árgangur, síðara hefti 2003
Fjármálatíðindi, 50. árgangur, fyrra hefti 2003
Fjármálatíðindi, 49. árgangur, síðara hefti 2002
Fjármálatíðindi, 49. árgangur, fyrra hefti 2002
Fjármálatíðindi, 48. árgangur, síðara hefti 2001
Fjármálatíðindi, 48. árgangur, fyrra hefti 2001
Fjármálatíðindi, 47. árgangur, 2000
Fjármálatíðindi, 46. árgangur, 1999
Fjármálatíðindi, 45. árgangur, síðara hefti 1998
Fjármálatíðindi, 45. árgangur, fyrra hefti 1998
Fjármálatíðindi, 44. árgangur, síðara hefti 1997